კოსმოსური საშინელებათა ფილმები

-----

Pandorum (2009)

ახალი პლანეტის კოლონიზაციის მიზნით უშველებელ კოსმოსურ ხომალდს კოლონიზატორები გადაჰყავს. შუა გზაში ორ ეკიპაჟის წევრს შემთხვევით ეღვიძება. მათი კოლეგები არსად ჩანან... ისინი აღმოაჩენენ, რომ მარტო არ არიან ხომალდზე. მთელს მისიას საფრთხე ემუქრება. ერთ-ერთი ყველაზე დაუფასებელი ფილმია ამ ჟანრში.

საყურებელი ლინკი - დააჭირე

Life (20017) 

 საერთაშორისო კოსმოსურ სადგურზე ექვსი მეცნიერისგან შემდგარი ეკიპაჟი  მარსიდან გამოგზავნილ ცოცხალ ორგანიზმს  იკვლევს. მათი აღმოჩენა მალე შემზარავ თავგადასავლად იქცევა, მას შემდეგ რაც იზოლირებულ სადგურზე, უცხოპლანეტელ პარაზიტულ არსებასთან ერთად აღმოჩნდებიან დატყვევებულნი.

საყურებელი ლინკი - დააჭირე

Event Horizon (1997)

2047 წელი. კოსმოსური ექსპედიცია 7 წლის წინ გაუჩინარებული ხომალდის კვალს მიჰყვება. მათ უნდა გამოიკვლიონ ხომალდის მისტიკური გაუჩინარების რეალური მიზეზი. თუმცა, ჭეშმარიტება იმაზე გაცილებით უფრო შოკისმომგვრელია, ვიდრე მათ წარმოუდგენიათ. 

საყურებელი ლინკი - დააჭირე

EUROPA REPORT (2013)

იუპიტერის თანამგზავრ „ევროპაზე“  ასტრონავტთა ჯგუფს  კერძო მისიით აგზავნიან. თანამგზავრის ყინულის ზედაპირის ქვეშ თხევადი წყლის ოკეანეა, რაც შესაძლოა სიცოცხლის არსებობაზე მიუთითებდეს. ფილმი გამოირჩევა თავისი რეალიზმით. 

საყურებელი ლინკი - დააჭირე

Alien (1979)

კომერციული კოსმოსური ხოლმადი დედამიწაზე ბრუნდება, რა დროსაც უცნობი პლანეტიდან „sos” სიგნალს იჭერს. ამ პლანეტაზე ისინი სრულიად უცნობ სიცოცხლის ფორმას ხვდებიან, რომელიც საბოლოოდ ხომალდზეც აღწევს. კლაუსტროფობიული გარემო და ბიოლოგიური სიკვდილის მანქანა ერთად მომაკვდინებელ დუეტს ქმნიან. ეს არის ჟანრის კლასიკა. რიდლი სკოტის დაწყებული საქმე ჯეიმს ქემერონმაც საკმაოდ წარმატებით გააგრძელა - Aliens (1986). 

საყურებელი ლინკი - დააჭირე

Pitch Black (2000)

სატრანსპორტო კოსმოსური ხომალდი უკაცრიელ პლანეტაზე ავარიულად ეშვება. ბორტზე სხვა მგზავრებთან ერთად არის ცნობილი დამნაშავე რიდიკი, რომელიც დატყვევებულია თავისქალებზე მონადირის მიერ. პლანეტას რამდენიმე მზე აქვს და იქ ყოველთვის სინათლეა. უფრო სწორედ, თითქმის ყოველთვის... არსებობს რაღაც პერიოდი, როცა მზეები ისე ლაგდებიან, რომ პლანეტაზე წყვდიადი ისადგურებს. ყველაზე ცუდი ისაა, რომ პლანეტა სულაც არაა უსიცოცხლო. გამოქვაბულებში მფრინავი მონსტრები ბინადრობენ, რომლებსაც მზის სინათლის ეშიანიათ და სანადიროდ მხოლოდ სიბნელეში გამოდიან. 

საყურებელი ლინკი - დააჭირე