 |
| Time Loop |
------------
GROUNDHOG DAY(1993,IMDB-8.0) - ზაზუნას დღე
ამინდის პროგნოზის რეპორტიორი, სახელად ფილი, ეგოცენტრული,
ცინიკოსი და უბრალოდ აუტანელი ადამიანია. ის ფიქრობს, რომ უფრო მეტი შეუძლია, ვიდრე
ამინდის პროგნოზის წამყვანობაა. ის თავის განუხორციელებელ პოტენციალში გარშემომყოფებს
დებს ბრალს. მას ეზიზღება თავისი პროფესია, ეზიზღება კოლეგები, ეზიზღება ადამიანები
და საერთოდ ყოველდღიური რუტინა. მას ტელევიზიიდან აგზავნიან ქალაქ პანქსატონში ტრადიციული ზაზუნას დღის დღესასწაულის
გასაშუქებლად, რაზეც ის უხალისოდ თანხმდება.
ფილი ენთუზიაზმის
გარეშე აკეთებს ზაზუნას დღეზე რეპორტაჟს და ერთი სული აქვს მალე მოშორდეს ამ ქალაქს.
თუმცა, უამინდობის გამო მას ქალაქის სასტუმროში უწევს დარჩენა. წარმოიდგინეთ ფილის
გაკვირვება, როცა მეორე დღეს, დილით აღმოაჩენს, რომ ისევ წყეული ზაზუნას დღეა. ისევ
და ისევ და ისევ და ისევ! ფილი დროის მარყუჟში
აღმოჩნდება და ეს სასჯელი მისი პიროვნების მეტამორფოზას ახდენს.
ჟანრის კლასიკა და უბრალოდ აუცილებლად სანახავი ფილმი.
საყურებელი ლინკი - დააჭირე აქ
Source
Code (2011,IMDB-7.5) - საწყისი კოდი
კაპიტანი კოლტერ სტივენსი უცნობი ადამიანის
სხეულში ჩიკაგოს მატარებეში იღვიძებს. მალე ის აღმოაჩენს, რომ გასაიდუმლოებულ ექსპერიმენტში
იღებს მონაწილეობას. ექსპერიმენტის ფარგლებში მას უწევს სხვა ადამიანის უკანასკნელი
8 წუთის მრავალჯერ გავლა, რათა აღმოაჩინოს ტერორისტი, რომელმაც ჩიკაგოს მატარებელში
მოაწყო ტერაქტი. მისი მიზანია ტერორისტის
პოვნა მატარებლის მგზავრებს შორის და მომავალი ტერაქტის აღკვეთა.
საყურებელი ლინკი - დააჭირე აქ
Time
Lapse(2014,IMDB-6.5) - დროის შეცდომა
სამი მეგობარი შემთხვევით აღმოაჩენს იდუმალ
მოწყობილობას, რომელიც 24 საათით მომავალში იღებს სურათებს. ეს მოწყობილობა პირდაპირ მათი სახლის ფანჯარას უყურებს. ისინი გადაწყვეტენ მოწყობილობა მერკანტილური მიზნებისთვის
გამოიყენონ. თავიდან ყველაფერი იდეალურადაა, სანამ მომავლის ფოტოზე შემაშფოთებელ სცენას
არ დაინახავენ.
მოქმედება თითქმის მთლიანად ერთ ოთახში ვითარდება,
თუმცა ამის მიუხედავად, კარგი და საინტერესო სცენარის წყალობით მაყურებელი ნამდვილად
არ მოიწყენს.
საყურებელი ლინკი - დააჭირე აქ
ARQ
(2016,IMDB-6.4) - დროის კიდობანი
დისტოპიურ მომავალში, სადაც მსოფლიოში ენერგო
კრიზისი და რესურსების დეფიციტია, ორი მეგობარი მისტიკურ დროის მარყუჟში იჭედება. მათ
საიდუმლო ლაბორატორიაში ეღვიძებათ 6:16-ზე და სულ რამდენიმე წამი აქვთ, სანამ ოთახში
ნიღბიანი ადამიანები არ შემოცვივდებიან. ამ
ლაბორატორიაში არის მოწყობილობა, რომელსაც შეუძლია ენერგო კრიზისი მოგვარება. მის დასაუფლებლად
ძლევამოსილი კორპორაცია და ამბოხებულთა ბანდები იბრძვიან.
საყურებელი ლინკი - დააჭირე აქ
Edge
of Tomorrow (2014,IMDB7.9) - მომავლის ზღვარი
არც ისე შორეულ მომავალში დედამიწას უცხლოპლანეტელები,
მიმიკები, ესხმიან თავს. ამ უცხოპლანეტურ რასას
დროზე ზემოქმედების უნარი აქვს, რაც თითქმის შეუძლებელს ხდის მათ დამარცხებას. ოფიცერი
ბილ ქეიჯი(ტომ კრუზი) არასდროს ყოფილა ომში. ის მხდალი, მშიშარა ადამიანია. როცა გაიგებს, რომ მას მოულოდნელად ფრონტის წინა ხაზზე აგზავნიან, შეშინებული გაქცევას ცდის. თუმცა მას
ეს არ გამოუვა და საბოლოოდ მაინც ფროტზე ამოჰყოფს თავს. ბრძოლის დაწებიდან სულ რამდენიმე
წუთში კვდება ქეიჯი, თუმცა ის ახერხებს თან გაიყოლოს ალფა მიმიკი, რომელსაც დროის მართვა
შეუძლია. სწორედ ამის გამო ოფიცერი დროის მარყუჟში ხვდება - როცა მას ბრძოლის ველზე კლავენ, ის იმავე დღის
დასაწყისში იღვიძებს და ყველაფერი თავიდან იწყება.
ფილმის მთავარი ხიბლია ის თუ როგორ ტრანსფორმირდება
ტომ კრუზის პერსონაჟი მხდალი, მშიშარა, არასერიოზული ადამიანიდან მამაც და გმირ მეომრამდე.
საყურებელი ლინკი - დააჭირე აქ
About
Time(2013,IMDB-7.8) - დროის შესახებ
ახალი წლის წვეულებაზე ტიმს მამამისი ოჯახურ
საიდუმლოს უმხელს - თურმე მათ გვარში მამაკაცებს დროში მოგზაურობა შეუძლიათ. ტიმს არ
შეუძლია ისტორიის შეცვლა, მაგალითად ჰიტლერის მოკვლა ან პრეზიდენტ კენედის გადარჩენა.
მას მხოლოდ საკუთარი ცხოვრების შეცვლა შეუძლია.
პირველს რას იზამს 21 წლის ბიჭი, რომელსაც დროში მოგზაურება შეუძლია?
რა თქმა უნდა, ლამაზი შეყვარებულის პოვნას შეეცდება.
ეს არის სასაცილო, მსუბუქი და ამავდროულად
მომენტებში ღრმა და სევდიანი ფილმი.
პ.ს.
მისი ნახვა რეკომენდირებულია შეყვარებულთან ერთად 👌
საყურებელი ლინკი - დააჭირე აქ
The
Jacket (2005,IMDB-7.1) - პიჯაკი
ომის ვეტერანი საგიჟეთში ხვდება, სადაც „მკურნალობის“
სადისტური მეთოდები აქვთ-ცოცხალ პაციენტებს მორგში ათავსებენ. ჯეკ სტარკსი (ედრიენ
ბროუდი) მორგის ვიწრო და ბნელი ყუთიდან მომავალში მოგზაურობს, სადაც ის უკვე მკვდარია
და იწყებს თავისი სიკდვილის გამოძიებას.
საყურებელი ლინკი - დააჭირე აქ
Triangle
(2009,IMDB-6.9) - სამკუთხედი
მეგობრები ატლანტიკის ოკეანეში იახტით მოგზაურობენ.
უაცრად ამოვარდნილი შტორმი იახტას აზიანებს. არსაიდან გამოჩენილი ლაინერი მათ მხსნელად
ევლინებათ. ისინი ადიან დიდი გემის ბორტზე. გემი ერთი შეხედვით მიტოვებულს ჰგავს, მაგრამ
მეგობრები მალე აღმოაჩენენ, რომ მარტო არ არიან და რომ ვიღაც მათზე ნადირობს.
საყურებელი ლინკი - დააჭირე აქ
Looper
(2012,IMDB7.4) - მარყუჟი
2074 წელი. დროის მანქანა უკვე გამოგონებულია,
მაგრამ მისი გამოყენება არალეგალურად ითვლება. თუმცა, შავ ბაზარზე მას აქტიურად იყენებენ.
როცა ვინმეს მოშორება უნდათ, აგზავნიან 30 წლით წარსულში, სადაც მას დაქირავებული
მკვლელი ხვდება და კლავს. ჯო ზუსტად ასეთი დაქირავებული მკვლელია. მას მომავლიდან უგზავნიან
ადამიანებს და ისიც იშორებს მათ. ჯო ბევრ ფულს შოულობს და ცხოვრება კარგად მიდის, მაგრამ
ერთ მშვენიერ დღეს მას მოსაკლავად საკუთარ თავს უგზავნიან მომავლიდან.
საყურებელი ლინკი - დააჭირე აქ
Happy
Death Day(2017,IMDB-6.5) - ბედნიერ სიკვდილის დღეს გისურვებ
მსუბუქი და სახალისო შავი კომედია, სადაც
კოლეჯის სტუდენტ გოგოს თავის დაბადებისდღეზე კლავენ, თუმცა მას დღის დასაწყისში ეღვიძება
და იგივე დღეს კვლავ და კვლავ გადის. ის დროის მარყუჟშია გაჭედილი და ცდილობს თავისი
მკვლელის ვინაობის დადგებას.
საყურებელი ლინკი - დააჭირე აქ
Comments
Post a Comment