სექსუალური ქალი ანტაგონისტები Part1

----------

Satanico Pandemonium - ფილმიდან: დაისიდან აისამდე(From Dusk Till Dawn)

 რობერტ როდრიგესის ამ გიჟურ კინო-ექსპერიმენტში სელმა ჰაიეკი ვამპირების დედოფლის როლს ირგებს. ის სანამ თავის რეალურ სახეს გამოაჩენს, კინემატოგრაფიის ისტორიაში ერთ-ერთ ყველაზე სექსუალურ ცეკვას გვთავაზობს.

ეშმაკი -  ფილმიდან: სურვილით დაბრმავებული(BEDAZZLED) 

 ელიზაბეთ ჰეილი  ეკრანზე ყველა დროის ყველაზე სექსუალურ ეშმაკს განასახიერებს.

ქეთრინ ტრამელი - ფილმიდან: ძირითადი ინსტინქტი(Basic Instinct)

ამ ეროტიკულ თრილერში ლეგენდარული შერონ სტოუნი  სერიული მკვლელი მწერლის როლს თამაშობს. მომაჯადოვებელი გარეგნობა მას საშუალებას აძლევს გამოცდილ დეტექტივსაც(მაიკლ დუგლასი) კი აუბნიოს თავგზა. 

ემი დან  – ფილმიდან: დაკარგული ქალი(Gone girl).

დევიდ ფინჩერის ამ შესანიშნავ მისტიკურ თრილერში როზამუნდ პაიკის პერსონჟი მოულოდნელად უჩინარდება.  საეჭვო ქცევების  გამო ყველას ეჭვმიტანილად მისი მეუღლე,ნიკი, ჰგონია.

ავა - ფილმიდან: ცოდვების ქალაქი 2(Sin City: A Dame to Kill For) .   

ავა მაცდური ბუნების განსხეულებაა. მას ვერცერთი კაცი ვერ ეუბნება უარს. ერთი შეხედვითაც კი შეიძლება დაემონო მის შარმს. ის დიდი მანიპულატორია და ამით იღებს სიამოვნებას. მოკლედ, არავის ვუსურვებდი მასთან  გადაკვეთას 💀

სიუზან სტოუნი - ფილმიდან: სიკვდილის მიზეზი(TO DIE FOR). 

სიუზან სტოუნი(ნიკოლ კიდმანი) ერთი შეხედვით ჩვეულებრივი, მსუბუქად ინფანტილური ქერა ლამაზმანია. რამდენადაც ის ლამაზია გარეგნულად, იმდენად ბნელი და ცარიელია შინაგანად. მას აქვს მიზანი - გახდეს ტელევარსკვლავი და ამ მიზნის მისაღწევად ის ყველაფერზე წავა. ვფიქრობ, ეს ფილმი ახლა უფრო აქტუალურია, ვიდრე მისი ეკრანებზე გამოსვლის დროს იყო.